PROXECTO PUBLIGUALDADE
UN PROXECTO DO IES CELANOVA PARA A
PARTICIPACIÓN NO PROGRAMA GALICONS.NET DOS “PLANS PROXECTA” NO CURSO 2019-2020
INTRODUCIÓN
Ao fío da nosa
campaña da Biblioteca en curso Voces de Muller, e continuando coa nosa
satisfactoria participación no programa Consumo e Xénero de Galicons-net o
curso pasado, queremos prolongar a nosa participación nos Plans Proxecta
abordando a publicidade na súa perspectiva histórica dende unha focaxe de
xénero.
O leitmotiv das
Bibliotecas Escolares para este curso é "Biblioteca Escolar, viveiro de
cidadanía", polo que pensamos que tamén entronca moi ben con esta
temática.
Moitos
departamentos están interesados e traballando estes temas, así que esta é a
mellor ocasión para sumar esforzos e traballar interdisciplinarmente con:
Linguas (Castelán e Galego, Inglés e Francés), Tecnoloxía, Plástica, Música,
Economía, Filosofía, Xeografía e Historia...
OBXECTIVO
Coñecer os
recursos da linguaxe publicitaria, dende unha perspectiva técnica (linguaxe,
elementos visuais e música) pero tamén crítica, para tratar de minimizar a súa
manipulación sobre nós.
- Reflexionar
sobre a evolución da publicidade na historia dende unha perspectiva de xénero,
en conexión, como dixemos, coa campaña en curso da biblioteca, Voces de Muller,
e co proxecto levado a cabo o curso pasado, Cómprame a Igualdade.
-Previr acerca
dos perigos da publicidade, os medios audiovisuais, a música, etc., en canto á
prevalencia do patriarcado.
-Concienciar do
camiño que queda por percorrer en favor da igualdade
-Ser conscientes
da manipulación dos medios sobre o noso comportamento, e sobre a aceptación de
estereotipos que en ambos casos nos restan liberdade
-Fomentar hábitos
de consumo saudables, tanto a nivel persoal (alimentación, hixiene), como
medioambiental (sostibles), en conexión co noso programa de vida saudable Mens
Sana in Corpore Sano que mereceu recentemente o distintivo de calidade ¿Sello
de Vida Saludable¿ do MEC.
-Aprender,
profesorado e alumnado, a traballar interdisciplinarmente e en equipo,
utilizando os medios ao noso alcance e
adquirindo as estratexias pertinentes da alfabetización informacional e
traballo por proxectos.
- Fomentar o
espírito crítico do alumnado para que actúe de maneira informada, para que
poida elixir, con coñecemento, entre bens e servizos e coñecer os seus dereitos
e deberes, e reflexione sobre os aspectos éticos do consumo.
ORGANIZACIÓN DESENVOLVEMENTO E METODOLOXÍA
Como xa
explicamos, pretendemos traballar no eido "Publicidade onte, hoxe e
mañá" dende unha perspectiva de xénero.
O proxecto terá
varias liñas: Por un lado, unha principal, na que participarán o alumnado de
Galego, Debuxo artístico de 1º bach, Plástica de 4ºESO, Música de 4ºESO e
Linguaxe e práctica musical de 1ºbach, na que se analizará publicidade de
diversas épocas e índoles e se revisitará para elaborar produtos propios.
Tentaremos abordalo tamén dende unha perspectiva técnica traballando sobre
linguaxe publicitaria, grafismo e elementos visuais e elementos musicais e
auditivos. Os deptos. de Tecnoloxía e Inglés colaborarán nesta liña.
Por outra banda,
esta historia da publicidade se utilizará para traballar temas transversais nas
horas de titoría/lectura en tódolos grupos de 2º e 3ºESO, en nas que outros
departamentos aportarán tamén as súas actividades (Filosofía, Economía, etc.).
Compre salientar que, por mor dos horarios do
transporte escolar, o noso centro ten semanalmente 33 horas lectivas, así que
esa "Hora 33" énchese cunha materia propia do centro: Lectura, con
horario fixo e profesor propio, na que o fío temático será a publicidade.
Potenciaremos
metodoloxías activas e traballo en grupo, tanto en pequenas células cunha certa
autonomía como en gran grupo, segundo a actividade, estando moi presentes as
competencias de Aprender a aprender, as Competencias sociais e cívicas,
Dixitais e de Sentido da iniciativa e espírito emprendedor.
Dividiremos o
traballo en fases
1.- Estado da
cuestión: Coñecemento da realidade (Primeiro trimestre):
Estudo de campo
sobre publicidade:
Audiovisual,
radiofónica, impresa; Visionado de
anuncios, seguindo as pistas aportadas polo obradoiro realizado o curso pasado,
“InfonadalConsumo”.
Enquisa de
hábitos de consumo e ocio entre profesorado, alumnado, país e nais e resto do
entorno, tentando pescudar en que medida a publicidade inflúe no noso consumo.
Análise xeral de
publicidade gráfica/audiovisual; músicas empregadas na publicidade; textos
publicitarios tanto de televisión como de radio e prensa.
2.- Estado da
cuestión: Ampliación de información (Segundo trimestre).
-Recompilación de
información e materiais cos que contrastar as nosas pescudas. Ampliación de
información a nivel estético, lingüístico, ético, etc.
-Traballo nas
materias específicas en cadanseu eido: grafismo, tipografía, etc. en Plástica;
fundamentos de composición dixital en Música e construción de textos, spots,
lemas, etc. nas linguas.
-Tentaremos
buscar lema e deseños propios e personalizar o noso traballo.
3.- Elaboración e
difusión dos produtos finais. (Terceiro trimestre)
Os produtos
finais serán anuncios en tres formatos: audiovisual, radiofónico e gráfico,
abordados dende diversas perspectivas: anuncios novos, revisión de anuncios
sexistas do pasado (ou do presente), reinterpretacións irónicas deses modelos,
e por último, "O Metaanuncio", no que trataremos de vender unha
publicidade ética.
Para iso
traballaremos nesta secuencia:
-Trazar a
estratexia publicitaria tendo en conta toda a información previa obtida;
-Determinar o
tipo de público ao que vai dirixido;
-Programar o plan
de difusión dos nosos produtos contando cos diferentes medios á nosa
disposición: Internet (redes sociais, blogs, canle de youtube etc.); documentos
impresos, cartaces, diferentes eventos sociais contando coas entidades da
mancomunidade, etc. Os propios produtos son tamén "autoreclamos".
- Organizar unha
presentación oficial dos produtos finais, a modo de xornada de portas abertas.
Durante todo o
proxecto, os diferentes grupos irán facéndose cargo e participando das
diferentes áreas e actividades do proceso, para non sobrecargar a ningún grupo.
AVALIACIÓN
1.- Avaliación
inicial: sondaxe mediante enquisas para pescudar os coñecementos e opinións
previos ao tema tratado non soamente do alumnado, senón tamén do resto da
comunidade educativa.
2.- Avaliación
formativa: Darase conta de tódalas fases do proceso mediante diarios de clase e
follas de observación, así como un álbum de proxecto no que se recollerá o
proceso en imaxes, pudendo usar algunha ferramenta como a plataforma Pinterest.
Toda a documentación partillarase nos blogs interdependentes da biblioteca (bibliotecapoleiro.blogspot.com)
e o da campaña posta en marcha o curso pasado Cómprame a Igualdade
(comprameaigualdade.blogspot.com) e nas plataformas que consideremos oportunas.
3.- Avaliación final: Autoavaliación e
coavaliación, mediante enquisas de satisfacción do proxecto, así como
avaliación grupal de cada equipo de traballo.
A avaliación do
produto final podería vir dada por índices cuantitativos, por exemplo:
repercusión nas redes (post compartidos, retweets), entradas no blog,
participación na presentación oficial dos produtos finais, etc.
Comentarios
Publicar un comentario